Хязгаарыг давж,
үнэ цэнийг нээнэ.

Салбар, зах зээл, түүхий эд, технологи болон бодлогын орчныг судалж, шийдвэр гаргалтад шаардлагатай нотолгоо боловсруулна.

Хөрөнгө оруулалтын төсөл, техник-эдийн засгийн үндэслэл, бизнес төлөвлөгөө, санхүүгийн тооцоо болон эрсдэлийн үнэлгээг цогцоор боловсруулна.

Технологийн боломж, тохиромж, TRL түвшин, туршилт, пилот төслийг үнэлж, үйлдвэрлэлд нэвтрүүлэх шийдэл боловсруулна.

Стратеги, бизнес процесс, дотоод хяналт, гүйцэтгэлийн удирдлага, бодлого, журам болон менежментийн тогтолцоог сайжруулна.

Бодлогын судалгаа, хувилбарын шинжилгээ, бодлогын товч танилцуулга болон хэрэгжүүлэх санал боловсруулна.

Арьс шир, ноос, ноолуур, сүү болон бусад малын гаралтай түүхий эдийг боловсруулж, нэмүү өртөг шингэсэн бүтээгдэхүүн болгон эдийн засгийн эргэлтэд оруулах технологи, үйлдвэрлэлийн шийдлийг судална. Төслийн концепц, хэрэгжих боломжийн судалгаа, бизнес төлөвлөгөө болон ТЭЗҮ боловсруулна.

Хөдөө аж ахуйн бүтээгдэхүүн, жимс жимсгэнэ, ургамал болон бусад байгалийн гаралтай органик түүхий эд, дайвар бүтээгдэхүүнийг боловсруулж, нэмүү өртөг шингэсэн бүтээгдэхүүн үйлдвэрлэх боломжийг судална. Технологийн сонголт, зах зээлийн судалгаа, төслийн концепц, бизнес төлөвлөгөө болон ТЭЗҮ боловсруулна.

Жижиг, дунд үйлдвэр, аж ахуйн нэгж, байгууллагын үйл ажиллагааны онцлог, холбогдох хууль тогтоомж болон санхүүгийн тайлагналын стандартад нийцсэн нягтлан бодох бүртгэл, тайлагнал, татварын бүртгэл, дотоод хяналтын тогтолцоог бүрдүүлэх, сайжруулахад мэргэжлийн зөвлөн туслах үйлчилгээ үзүүлнэ.

• Нягтлан бодох бүртгэлийн бодлогын баримт бичиг боловсруулах — Бүртгэлийн бодлого, дансны жагсаалт, анхан шатны баримт, ажил гүйлгээний дараалал, бараа материал, үндсэн хөрөнгө, орлого, зардал болон үйлдвэрлэлийн өртгийн бүртгэлийн аргачлалыг байгууллагын онцлогт нийцүүлэн боловсруулна.
• Нягтлан бодох бүртгэлийн гэрээт үйлчилгээ — Өдөр тутмын ажил гүйлгээг бүртгэх, анхан шатны баримтыг хянах, авлага, өглөг, бараа материал, үндсэн хөрөнгө, цалин болон холбогдох тооцооны бүртгэлийг хөтлөхөд дэмжлэг үзүүлнэ.
• Санхүүгийн болон удирдлагын тайлан боловсруулах — Санхүүгийн тайлагналын холбогдох стандартын дагуу санхүүгийн тайлан, тодруулга болон удирдлагын шийдвэр гаргалтад зориулсан сар, улирал, жилийн тайланг боловсруулна.
• Татварын бүртгэл, тайлангийн дэмжлэг — Татварын тооцоолол хийх, татварын тайлан бэлтгэх, санхүүгийн болон татварын бүртгэлийн зөрүүг тооцох, тайлангийн тулгалт хийх, татварын эрсдэлийг урьдчилан тодорхойлоход мэргэжлийн дэмжлэг үзүүлнэ.
• Дотоод хяналт, эрсдэлийн үнэлгээ — Мөнгө, бараа материал, худалдан авалт, борлуулалт, цалин, үндсэн хөрөнгө болон санхүүгийн тайлагналын дотоод хяналтад үнэлгээ хийж, илэрсэн эрсдэл, хяналтын сул талыг бууруулах зөвлөмж боловсруулна.
• Төсөв, мөнгөн урсгал, гүйцэтгэлийн удирдлага — Байгууллагын төсөв, мөнгөн урсгалын төлөвлөгөө, зардлын хяналт, ашигт ажиллагааны тооцоо болон үйл ажиллагааны гүйцэтгэлийн гол үзүүлэлтийг боловсруулах, хэрэгжүүлэхэд зөвлөнө.

Бизнес, үйлдвэрлэлийн бодит удирдлагын туршлагад тулгуурлан нягтлан бодох бүртгэлийг зөвхөн тайлан гаргах хэрэгсэл бус, өртөг зардлыг оновчтой удирдах, мөнгөн урсгалыг төлөвлөх, эрсдэлийг хянах, ашигт ажиллагааг нэмэгдүүлэх удирдлагын тогтолцоо болгон хөгжүүлэхийг зорьдог.